(( البعيـــــرية )) للشاعر أحمد عيد البعيري

[يوسف الترقصي]

](((الـــــــبـــــــــعـــــــــــيــــريــــــه)) )



يالله ياعالم خفيات الاسرار......ياواحدٍفوق السماء معتلينا

انت الذي يالله جياب الامطار.......مافيه غيرك يالولي مرتجينا

يامنجيٍ يونس من اعماق الابحار......ويامنجيٍ نوحٍ معاه السفينا

ربٍ عليم وعالمٍ كل ماصار......سبحان منه عالم العالمينا

ترحم بحال اللي على الضيم صبار......ومن يذكر المولى اعماله تزينا

ومن بعد ذكر الله نكتب بالاسطار......نذكربها شيخٍ قيدمٍ علينا

شيخٍ عريب الجد من نسل الاحرار......شيخٍ ولد شيخٍ ولازال فينا

سلمى وجاء تشهدعلى القصر وآثار......ويشهدلنا التاريخ فيما عطينا

هذا اجبالٍ من قديمات الاعصار......هذااجبالٍ من قديم السنينا

يشهد عليها شيخها ابن بقار......هوشيخ الاسلم مبطيٍ عارفينا

راس المعالي منزله حر الاحرار......هوالعريب وترثة الغانمينا

زحزيح مازحه صغيرين وكبار......كريم سبلا شيخنا مقتدينا

روح اسأل التاريخ ثم تلقا الاخبار......ياما بنينا العز ياما بنينا

حنا البعير لاغدا عج وغبار......مانقطع الا الراس هو واليمينا

لاثارعج الكون بالكون لاثار......تلقى المعادي خايفٍ من يدينا

صعبين باللقوات لاصار ماصار......خيالة الشعبة ليامن مشينا

حناكما موجٍ يخيفك لياثار......يامامن كبار الدواهي رمينا

قوش البعير بالصعايب كالسوار......يوم الخديوي بردته مانسينا

ومن بعدهااصحاب خيبر وطيار......ويامامن كبار القبايل فنينا

نمشي على الصاير ونمشي لما صار......والمعتدي ياعال نقطع يمينا

خوينا مانتركه وقت الاعسار......وعليه وقت الشد نجعله لينا

حنا البعير نكرم الضيف والجار......ونساعد المحتاج يومٍ يجينا

مفرحين الي زبنا ومحتار......هل العطا حنا ليامن عطينا

هل الكرم هل الشجاعه هل الكار......هل الوفاء حنا ليامن وفينا

حنا صناديدٍ لنا علم واخبار......مثل الاسوداللي تصيد السمينا

وليامشينا مانحسب للاخطار......وياما على روس المعالي رقينا

وفي كل انا ماقلت هالقصد تذكار......نبي نذكر بشعر غافلينا

من غير تنقيصٍ ومن غير تقصار......كل القبائل والملا عارفينا

وختامها صلو على سيد الاخيار ......على الرسول الهاشمي هونبينا [/align]

[^^^أبو متعب^^^]

يوسف الترقصي

قصيده رائعه

ونطلب المزيد

وعساك على القوه

[الامبراطور]

والله ومليون نعم بالبعير ... مشكور على القصيده ويعطيك العافيه

[يوسف الترقصي]

أسعدت في مرورك الكريم يا عزيزي يا أبو متعب والأخ العزيز الأمبراطور

[راعي الاوله]

ونعم مليووون بالبعير


صح لسان الشاعر


ولاهنت اخ يوسف



تقديري

[يوسف الترقصي]

شكرا لك يا الغالي راعي الأوله ولك كل الأحترام والتقدير

[الشــ ابو مشعل ــمري]

بسم الله الرحمن الرحيم
السلام عليكم ورحمة الله وبركاته
شكرآ أخوي يوسف الترقصي وصح لسان الشاعر أحمد
والحمد لله رب العالمين

[بن شلال الشمري]

يوسف الترقصي الله يعطيك الف عافيه على القصيده الرائعه

بن شلال الاسلمي

[محسن الشمري]

حنا البعير لاغدا عج وغبار......مانقطع الا الراس هو واليمينا
لاثارعج الكون بالكون لاثار......تلقى المعادي خايفٍ من يدينا
صعبين باللقوات لاصار ماصار......خيالة الشعبة ليامن مشينا

ونعم والله من خيالة الشعبة

[غانم الوهبي]

ألف نعم والله في البعير
وصح لسان الشاعر /أحمد العيد
وكل الشكر لك أخي يوسف الترقصي على النقل
للجميع إحترامي


تم نقل الموضوع من قبلي إلى قسم الشعر المنقول
ليكون في مكانه الصحيح بدلاً من القسم التاريخي

[ABN HODAIRES]

الشكر لك أخي يوسف الترقصي على النقل
للجميع إحترامي

[حفيدة كريم سبلا]

يسلم يد ناقلها وقايلها
سلمت يابعد حيي

[العبدالعزيز]

سلمت الاخ يوسف الترقصي على القصيده قمة الروعه وصح لسان قايلها

[موسوعي]

يا (الترقصي) مشكور نقلك للأشعار
.................. عن سيرة أجـــدادٍ لنا فالحينا
والشاعر (بن عيد) بالشعر بيطار
.................عذب القوافي يطرب السامعينا
أبيات في ذكرى (آل بعيِّر) هل الدار
................. (ستة قرون) وهم بها حاكمينا
(قفار) تشهد والفيافي والأقفار
.................وقصورهم فيها من الشاهدينا
(طريف وهمزان) بدوٍ وحضار
................(وسلمان وزبيدات) أهل اليمينا
(حلف آل بعير) بالجبل يشعم النار
................بالجود يوضي شيخهم للجنينا
أهل الرياسة من على (عهد بقّار)
...............وأحفاده أللي بالعهد لا حقينا
شيوخ فراستهم بها غي وسطار
...............زاحوا بني (سنبس ولام) أجميعا

أبيات متواضعة حاولت بها مجارات هذا النص المتميز ، وأهديها لكل أبناء جبال شمر أيا كانوا ،،

[موسوعي]

تعديل أخطاء مطبعية في الأبيات ألسابقة

(حلف آل بعير) بالجبل يشعم النار
................بالجود يوصي شيخهم للجنينا
أهل الرياسة من على (عهد بقّار)
...............وأحفاده أللي بالعهد لا حقينا
شيوخ فراستهم بها غي وسطار
...............زاحوا بني (سنبس ولام) أجميعنا

[بنت الطائي]

أبيات من قصيدة لا يحضرني اسم قائلها :


صمع القلوب (آل بعيِّر) من (عرب شمر )
لقواتهـــم طول (ست قرون) منصــوره

بسيوفهم والنبل والخيل والضُّـمّـــر
أهل الفراسة لهم بالصدر مقصــوره

فرسان خوض الوغى بالعمر لا عَـمَّــر
وأفعالهـم سادة اللقوات مشهـــوره

(صقور الجبلين) صار أضدلدهم حُــمَّـر
والـــدار في ظلهم بالعِــز معمــــوره

(خيالة الشعبتين) الجمــر لا جَــمَّـــر
والقاع تمسي بنقع الدم ممطـــوره

بأيام (أسود الجبل) و(النمر) ما نَـمَّـر
ومن حين راحت (أسوده) سادت (نْموره)

[الموت القادم]

يوسف بيض الله وجهك شـكــ وبارك الله فيك ـــرا لك ... لك مني أجمل تحية .

[أبوريان]

ألف نعم والله في البعير
وصح لسان الشاعر /أحمد العيد
وكل الشكر لك أخي يوسف الترقصي على النقل
للجميع إحترامي