ابوعيسىالمنصوري
06-29-2006, 06:08 PM
السلام عليكم,,,
هذه قصه هايس القعيط مع عقاب وحجاب العواجي,,,وهي روايه سمعتها من شياب شمر
واتمنى انها تعجبكم
عقاب وحجاب هم عيال سعدون العواجي وهم غنين عن التعريف, وعقاب العواجي في نجد وكان كل سنه ياخذ له فرس اول ذلول غصب من راعيها(لا على التعين يعني اي فرس او ذلول تعجبه يا خذها)
وفي احد السنين اخذ ذلول لرجال شمري من فخذ السويد من الفداغه,,ويوم جا الشمري ما لقا ناقته طار عقله وقالوله:خذاها عقاب العواجي,الزبده الشمري راح على قوم العواجي وعقاب كانت عنده ذلول اصيله ومدلله وماكان احد يمرها لأن اللي يجيهاغير عقاب تهابد عليه لين تذبحه والشمري هذا كان رجل ضخم لأبعد الحدود يعني عملاق وخذا الناقه وقام يجرها يوم درى عقاب با السالفه قال لرجاله جيبولي ها الشمري والله لأخليه يشوف كبده وهو حي راحوا رجال عقاب يقصون اثر الشمري وهم با الطريق شافوا اثر اقدام الشمري واثر الناقه المسحوبه وحصلوا داب يعني( حيه)مقسومه نصين(طبعا هذا من ضخامه الشمري وهو بطريقه يوم يسحب الناقه داس على الداب وقسمه نصين)
يوم جابواالشمري قاله عقاب انا حلفت اني اخليك تشوف كبدك قبل لا تموت قاله الشمري:عندي طلب قبل لا اموت ابي انخا شمر ويقلون انه قام ينخا شمر فخذ فخذ وناس يقلون انه قام ينخا الفرسان المعروفين اللي يهقا انهم يفكونه الزبده عقاب شق بطن الشمري وطلع كبده,,
جا هايس القعيط من ارض الجزيره يلبي نداء الشمري جو سبعين فارس وسبعين من الزماميل( يعني الجمال الخاصه لحمل الماء والمتاع)وعندما وصل الى ديار العواجيه وقع في ايدي هايس وفرسانه رجال شمري وكان هذا الشمري دخيل عند العواجيه فأطلق سراحه هايس بشرط ان لا يخبر العواجيه بقدومه لاكن الشمري لمح في مجلس عقاب على قدوم هايس بهذين البيتين:
يا عقاب بدل ديرتك له بديره.... أرحل وخلي اللجف مابه مصاريف
ياتيك طيرن من طيور الجزيره... قبلك اليا داجن على الشيخ ما شيف
فعلم عقاب بقدوم شمر فتجهز عقاب وحجاب مع ولدولد سليمان وهم فخذ من فخوذ اعنزه,وعندما تقابل الفريقان علم هايس ان شمر ما تقدر للجموع الكبيره اللي مع العواجيه فترك الزماميل وابتعد مع فرسانه فقامت عنزه وبا التحديد رجل يقال له ضبيب بأخذ الجمال وذبح الرجال الذين كانوا مع الجمال ولقد قال التبيناوي في هذه الوقعه
@@يا ضبيب لو ذبحت كل الزماميل....ذبحت دخيل البيت ما ترفع الباب
ثم لحقت عنزه شمر وحدثت معركه ضاريه بينهم استمرت عدة ايام في كر وفر بين الفريقان وفي احد كرات هايس اخو سعده على عقاب وكانوا هم ثنين هايس وفارس شمري والشمري هذا لقوه وهم في طريقهم لديار العواجيه وجا مع الطنايا واسمه سرحان طبعا الحرب بين البدو كر وفر وهايس يطارد عقاب هو والشمري وكانت فرس عقاب سبوقه وهايس كانت فرسه حامل يعني ما يقدر يلحق عقاب وعقابو مثل ما هو معروف عن عقاب انه راعي شوارب طويله وكانت تصل لأذانه من طولها الزبده يوم هايس يصير ورا عقاب يلتفت عقاب عليه وتجفل فرس هايس من هيبة عقاب وهايس نسى اسم الشمري وقاله يا سمي الذيب انطح الفارس يا راسك يا راسه وبا الفعل صار الشمري قدام عقاب وذبحه هايس واللي ذبح حجاب هو عم هايس واسمه (جناع)
وبعد هذا النصر قال شاعر شمر التبيناوي:
1:عودن عدا بس با الزماميل والخيل يدور مقانيص بغرات الأجناب
2:بأول زمانه عذب الكنس الحيل وخبط البحربيمناه عقب ما شاب
3:راح النذير وفزع النزل با الليل والخيل ركبت ماجلا يبها الأداب
4:وتوافقوا با الطعن بحد الغراميل متكاظمين مثل ابا زيد وذياب
5:غربي زبارا وريج مثل الهماهيل وانشبت احراب القوم بكطي الأصحاب
6:وتعاودوا للهوش ربع مثاجيل حماية الساكه عريبين الانساب
7:وردوا صادوا فارس يرعب الخيل يوي صيده يوم جابته الاسباب
8:كان نوت تزعج الصوت با الحيل لعيون هيفا نردع الشيخ بحجاب
9:حريمهم تصرخ صريخ المحاحيل جاهن عليمن بأول الخيل ما طاب
10:وجريمنا لجن بزين الهلاهيل متوكدات من شلعة الحر لعقاب
11:ياضبيب لو ذبحت كل الزماميل ذبحت دخيل البيت ما ترفع الباب
12:اربع ليالي ما لقوه المراسيل عليت خدن كوخ العصر بتراب
13:دنياك هذي يا العواجي غرابيل من شق جيب الناس شقو له اجياب
وسلامتكم ,,,,اتمنى ان القصه عجبتكم واتمنى اني توفقت في طرح هذه القصه التي تعبر عن النخوه والشيمه عند البدو
,,,,,
منقول
هذه قصه هايس القعيط مع عقاب وحجاب العواجي,,,وهي روايه سمعتها من شياب شمر
واتمنى انها تعجبكم
عقاب وحجاب هم عيال سعدون العواجي وهم غنين عن التعريف, وعقاب العواجي في نجد وكان كل سنه ياخذ له فرس اول ذلول غصب من راعيها(لا على التعين يعني اي فرس او ذلول تعجبه يا خذها)
وفي احد السنين اخذ ذلول لرجال شمري من فخذ السويد من الفداغه,,ويوم جا الشمري ما لقا ناقته طار عقله وقالوله:خذاها عقاب العواجي,الزبده الشمري راح على قوم العواجي وعقاب كانت عنده ذلول اصيله ومدلله وماكان احد يمرها لأن اللي يجيهاغير عقاب تهابد عليه لين تذبحه والشمري هذا كان رجل ضخم لأبعد الحدود يعني عملاق وخذا الناقه وقام يجرها يوم درى عقاب با السالفه قال لرجاله جيبولي ها الشمري والله لأخليه يشوف كبده وهو حي راحوا رجال عقاب يقصون اثر الشمري وهم با الطريق شافوا اثر اقدام الشمري واثر الناقه المسحوبه وحصلوا داب يعني( حيه)مقسومه نصين(طبعا هذا من ضخامه الشمري وهو بطريقه يوم يسحب الناقه داس على الداب وقسمه نصين)
يوم جابواالشمري قاله عقاب انا حلفت اني اخليك تشوف كبدك قبل لا تموت قاله الشمري:عندي طلب قبل لا اموت ابي انخا شمر ويقلون انه قام ينخا شمر فخذ فخذ وناس يقلون انه قام ينخا الفرسان المعروفين اللي يهقا انهم يفكونه الزبده عقاب شق بطن الشمري وطلع كبده,,
جا هايس القعيط من ارض الجزيره يلبي نداء الشمري جو سبعين فارس وسبعين من الزماميل( يعني الجمال الخاصه لحمل الماء والمتاع)وعندما وصل الى ديار العواجيه وقع في ايدي هايس وفرسانه رجال شمري وكان هذا الشمري دخيل عند العواجيه فأطلق سراحه هايس بشرط ان لا يخبر العواجيه بقدومه لاكن الشمري لمح في مجلس عقاب على قدوم هايس بهذين البيتين:
يا عقاب بدل ديرتك له بديره.... أرحل وخلي اللجف مابه مصاريف
ياتيك طيرن من طيور الجزيره... قبلك اليا داجن على الشيخ ما شيف
فعلم عقاب بقدوم شمر فتجهز عقاب وحجاب مع ولدولد سليمان وهم فخذ من فخوذ اعنزه,وعندما تقابل الفريقان علم هايس ان شمر ما تقدر للجموع الكبيره اللي مع العواجيه فترك الزماميل وابتعد مع فرسانه فقامت عنزه وبا التحديد رجل يقال له ضبيب بأخذ الجمال وذبح الرجال الذين كانوا مع الجمال ولقد قال التبيناوي في هذه الوقعه
@@يا ضبيب لو ذبحت كل الزماميل....ذبحت دخيل البيت ما ترفع الباب
ثم لحقت عنزه شمر وحدثت معركه ضاريه بينهم استمرت عدة ايام في كر وفر بين الفريقان وفي احد كرات هايس اخو سعده على عقاب وكانوا هم ثنين هايس وفارس شمري والشمري هذا لقوه وهم في طريقهم لديار العواجيه وجا مع الطنايا واسمه سرحان طبعا الحرب بين البدو كر وفر وهايس يطارد عقاب هو والشمري وكانت فرس عقاب سبوقه وهايس كانت فرسه حامل يعني ما يقدر يلحق عقاب وعقابو مثل ما هو معروف عن عقاب انه راعي شوارب طويله وكانت تصل لأذانه من طولها الزبده يوم هايس يصير ورا عقاب يلتفت عقاب عليه وتجفل فرس هايس من هيبة عقاب وهايس نسى اسم الشمري وقاله يا سمي الذيب انطح الفارس يا راسك يا راسه وبا الفعل صار الشمري قدام عقاب وذبحه هايس واللي ذبح حجاب هو عم هايس واسمه (جناع)
وبعد هذا النصر قال شاعر شمر التبيناوي:
1:عودن عدا بس با الزماميل والخيل يدور مقانيص بغرات الأجناب
2:بأول زمانه عذب الكنس الحيل وخبط البحربيمناه عقب ما شاب
3:راح النذير وفزع النزل با الليل والخيل ركبت ماجلا يبها الأداب
4:وتوافقوا با الطعن بحد الغراميل متكاظمين مثل ابا زيد وذياب
5:غربي زبارا وريج مثل الهماهيل وانشبت احراب القوم بكطي الأصحاب
6:وتعاودوا للهوش ربع مثاجيل حماية الساكه عريبين الانساب
7:وردوا صادوا فارس يرعب الخيل يوي صيده يوم جابته الاسباب
8:كان نوت تزعج الصوت با الحيل لعيون هيفا نردع الشيخ بحجاب
9:حريمهم تصرخ صريخ المحاحيل جاهن عليمن بأول الخيل ما طاب
10:وجريمنا لجن بزين الهلاهيل متوكدات من شلعة الحر لعقاب
11:ياضبيب لو ذبحت كل الزماميل ذبحت دخيل البيت ما ترفع الباب
12:اربع ليالي ما لقوه المراسيل عليت خدن كوخ العصر بتراب
13:دنياك هذي يا العواجي غرابيل من شق جيب الناس شقو له اجياب
وسلامتكم ,,,,اتمنى ان القصه عجبتكم واتمنى اني توفقت في طرح هذه القصه التي تعبر عن النخوه والشيمه عند البدو
,,,,,
منقول