مايموت بالربق الا الطلي

[سعود النايف]

هذي قصيدة للشاعر فهد النايف


هيـه لاتقعـد تخربـط بالعلـوم
والله انـي مـن غثاهـا ممتلـي
انت وش سويت يوم انك تـزوم
اركد ابرك لك ترى منت بولـي
غرروبك من يحبـون الخشـوم
كل مادنقـت قالـوا لـك علـي
انت قـدرك عارفينـه ومعلـوم
ياهبيل الـراي زيفـك منجلـي
كل شي لغيـر وجهـه مايـدوم
وانت والله فـي حياتـك مبتلـي
يوم قدرتك فلا لي بـك لـزوم
لاكـن ادابـي تحتمهـا عـلـي
وانت ماصدقت غرتـك الهـدوم
بشتك اغـراء منكبـك لاينزلـي
ابرًك وخلـك حشيـم ولاتهـوم
وانشد التاريخ عن ماضي هلـي
ماحداني لـك بـراد ولاسمـوم
جيت لك من بال عن فعلك خلي
لين شفت انك من العرف محروم
جاهـلٍ فينـا وحنـا نجهـلـي
الخطا مني وانـا لنفسـي الـوم
برتحـل عنـك وببعـد منزلـي
ماتضيق الا على عيال الرخـوم
ولايموت بمربطه غيـر الطلـي


سعووود النايف

[ابو عبدالله]

الاخ سعود النايف ،،،
السلام عليكم ورحمة الله وبركاته ،،،

كلمات أبيه ،،، فيها معاني للعزه والكرامه
فالشاعر لم يرتضي الهوان لنفسه ،،، وترك مكان الذل باحثا عما يفرضه عليه اسمه واسم ابيه
واللذان يحتمان عليه الا يأكل الا من صيد يمينه ،،، والا يسكن الا أعالي المجد

وأسأل الله لك وله الصبر في مواصلة درب الكرامه الشائك ،،، المرسوم في القصيده ،،،
قصيده رائعه ،،، تدعو الجميع الى التخلص من الربق ،،، وتقطيع شبكة الذل والاستعباد ،،،

شكرا لك ،،، وصح لسانه

ودمتم ،،،


لقد سبق لي التعليق على هذه القصيده ولم أجد مشاركتي ،،، وقد يكون ذلك بسبب فني .

[نايف بن حزوم]

صح الله لسان الشاعر فهد النايف والشكر للاخ سعود النايف على نقله للقصيده ....وما اكثر هؤلاء لا كثرهم الله
والحر ملزوم عن دار المذله ينزي وعن هذه الشكله يرفع الجام ويدعوا لهم بالهدايه

[سعود النايف]

صحة ابدانكم والله لا يهينكم

ومروركم شرف لي بحد ذاته

[علي الطواله]

السلام عليكم ورحمة الله وبركاته
صح لسانك طال عمرك..........ونطلب بعد اذنك المزيد..
تحياتي

[مالك]

الاخ سعود

تسلم على هذا النقل

وصح لسانك ولسان الشاعر فهد

وسلمت آناملك على هذا الطرح

تقبل مروري

[عسكر]

الاستاذ سعود اول شي ارحب فيك صح انها متاخره
لاكن لاتعلم اني توى ارحب فيك قل اول مادخلت رحب فينى
تبي الصحيح ماشفتك الا عند كتابة الرد الله يحييك في منتداك منتدى الاسلم
وصح لسان شاعرنا فهد النايف وسلم عليه قصيده اكثر من رائعه لك وله جزيل الشكر
ونطلب منك مثل هالقصائد الرئعه
للجمييع احتراااامي
عسكر